Liwat nga nag-updanay ang Harry Potter stars nga sanday Tom Felton kag Daniel Radcliffe matapos ang malawig nga panahon.
Nakilala ang duha sa ila nga roles bilang Harry Potter kag Draco Malfoy sa nasambit nga pelikula.
Sa iya Instagram page, gin-post ni Tom ang pila ka mga litrato nila ni Daniel nga magkaupod matapos niya ini nga ginbisita sa Broadway run sang ‘Every Brilliant Thing’.
Sa mga laragway, makita ang paghaksanay sang duha ka mga aktor.
Makita man sa litrato ang mga throwback pictures halin sa Harry Potter film series kun sa diin nagasuksok si Daniel sang iya Gryffindor robes bilang Harry kag nagasuksok man si Tom sang iya Slytherin robes bilang Draco kadungan sang isa ka Quidditch match.
Ginkalipay naman sang ila fans ang reunion sang ila mga gina-idolo kag gindayaw ang ila mabakod nga pag-abyanay bisan madugay na nga natapos ang franchise sang Harry Potter films.
