Gin-report nga engaged na ang singer-actors nga sanday Harry Styles kag Zoe Kravitz matapos ang walo ka bulan nga magkarelasyon.
Nakuhaan sang mga photographer si Zoe nga may suksok nga diamond ring samtang nagalakat sila ni Harry.
Una nga nakita sa publiko ang duha sang nagligad nga Agosto.
Santo sa report, nag-propose si Harry kay Zoe nga tuman naman nga ginkalipay sini.
Si Zoe ang anak sang Grammy-winning singer-actor nga si Lenny Kravitz kag aktres nga si Lisa Bonet.
Kaangay sang iya mga ginikanan, nagsulod siya sa showbiz matapos magsugod bilang singer.
Sa telebisyon kag pelikula, kilala siya sa iya mga character sa High Fidelity, The Batman, Big Little Lies, Mad Max: Fury Road, X-Men: First Class kag Caught Stealing.
Ginkasal ini sang iya anay bana nga si Karl Glusman sa sulod lamang sang duha ka tuig kag na-engaged man sa actor nga si Channing Tatum antes sila nagbuluganay sang 2024.
Samtang si Harry naman nga anay miyembro sang One Direction ang naggwa man sa pila ka mga pelikula kaangay sang Dunkirk, Don’t Worry Darling, My Policeman, at may cameo role sa Eternals.
Nangin karelasyon sini sanday Olivia Wilde, Taylor Russell, Camille Rowe, ang nagtaliwan nga si Caroline Flack, kag Taylor Swift, nga close friend man ni Zoe.
