Hauler truck nga nagakarga sang tubo, natumba sa rotonda sa Escalante City

Isa ka hauler truck nga kargado sang tubo ang natumba sa bahin sang East Avenue, Escalante City Rotonda, Negros Occidental.

Sa impormasyon nga nabatun sang Bombo Radyo Bacolod, nabali ang molye sa trailer sang truck nga nagtuga agud madulaan ini sang balanse kag natumba sa dalan.

Wala naman sang nasamaran sa insidente bangod amat-amat lang ang pagkatumba sang truck.

Apang ang insidente ang nagtuga naman sang paggutok sang trapiko sa lugar.