Ginmandu ni Bacolod City Mayor Evelio Leonardia ang pagbutang sa half mast sang hayahay sang Pilipinas sa Bacolod City Government Center, Old City Hall, kag Public Plaza sugod sa Lunes tubtub sa katapusan sang bulan sang Agusto.
Suno kay Leonardia, kabahin ini sang paghatag sang pagkilala sa mga healthcare workers kag frontliners nga nagtaliwan bangud in the line of duty tungod sa coronavirus disease.
Ini ang kadungan man sang pag-obserbar sang National Heroes Day ukon Araw ng mga Bayani sa Agusto 31 kun sa diin ginakilala ang kaisog sang tanan nga mga baganihan sang Pilipinas nga nakig-away sa mga dumuluong para sa kahilwayan sang pungsod.
Ini ang pagsunod man sa Resolution No. 2 series of 2020 sang Negros Association of Chief Executives (ACE) nga idisplay ang Philippine flag sa half mast halin sa Agusto 17 tubtub 31 bilang pagkilala sa mga frontliners nga napatay bangud sa COVID.
