Gin-athag sang Science Analyst sang Philippine Institute of Volcanology and Seismology (PHIVOLCS) sa ciudad sang La Carlota, Negros Occidental nga ang haze nga naeksperyensyahan sa iban nga bahin sang probinsya ang indi bangod sa activity sang Bulkan Kanlaon apang ini ang posible nga bangod sa nagapa-abot nga bagyo.
Sa interview sang Bombo Radyo Bacolod kay Darryl Arro, santo sa 24 hours monitoring sa bulkan, may narekord nga 13 ka volcanic eathquakes, 7228 tonnes/day nga sulfur dioxide ang ginbuga kag naglab-ot sa 1000 meters ang kataason sang plume padulong sa southwest, west-southwest kag west nga dereksyon.
Suno diri, nagapabilin sa alert level 2 ang status sang bulkan amo nga hugot sa gihapon nga ginapaandaman ang mga pumuluyo nga maghalong ilabi na sa mga nagapuyo sa Brgy Ara-al sa La Carlota City kag Brgy Masulog kag Sag-ang sa banwa sang La Castellana.
Paathag sini, ang haze nga naeksperyensyahan sa ciudad sang Bacolod kag sa iban nga bahin sang probinsya ang bangod sa nagapa-abot nga bagyo kag indi bangod sa unrest activities sang bulkan.
