Nagbiya na bilang head coach sang Gilas Pilipinas Youth program si Josh Reyes.
Una nga nagcoach si Reyes sa youth program sang 2018 U-18 Asian Championship kun sa diin nakuha sang Pilipinas ang best finish sa tournament humalin sang 1992 sang ini ang nagrank 4.
Antes ini, kabahin man si Reyes sa team sa FIBA U-16 Asian Championship sang 2017.
Ulihi nga ginhandle ni Reyes ang Gilas Youth team sang 2024 FIBA U18 Asia Cup kun sa diin nagtapos ang pungsod sa 10th finished.
Suno kay SBP President Al Panlilio, dako ang pagpasalamat sang SBP sa serbisyo ni Reyes apang sa pagbiya sini bilang head coach sang youth program siya ang mangin kabahin sang SBP organization bilang assistant kay coach Tim Cone para sa Gilas Pilipinas Men.
Suno kay Reyes magafocus ini sa pamilya samtang siya ang mangin kabahin sang senior team’s coaching staff.
Samtang, iga-anunsyar naman sang SBP sa masunod nga semana ang bag-o nga coach sang team.
