Ang acne ang masami nga ginaangot sa hormonal fluctuations nga nagaka-eksperyensyahan sang mga teenagers kag kun kaisa sang mga adults.
Masami ini nga gina-attribute sa excess production sang oil ukon sebum sa pores, bacteria, hormones, patay nga skin cells kag ingrown hairs.
Apang nakahibalo bala kamu mga KaBombo nga may nagkalain-lain nga sahin sang acne?
Ini ang natunga sa duha ka kategorya, ang non-inflammatory kag inflammatory kag ginalakipan sang blackheads, whiteheads, papules, pustules, nodules kag cysts.
Ang non-inflammatory acne ang ginalakipan sang blackheads kag whiteheads kun sa diin wala nagatuga sang swelling.
Ang inflammatory naman amu ang mga punggod nga nagapula kag nagahubag.
Ang pag-identify kun ano nga sahi sang acne may yara ang isa ka persona ang isa sa mga yabi agud ini ang mabulong sang maayo.
