Ginkalipay ni Heart Evangelista nga nagbunga na ang madamo nga tuig sini nga pagkahilig sa fashion matapos ini nalakip sa natapos nga Paris Fashion Week.
Suno kay Heart, nagatambong ini sa mga Fashion Week sa sulod sang lima ka tuig kag sa karun nga trip, iya ini makabig nga paborito sini bangud daw kaangay nga nagbata na ang tanan nga mga liso nga iya gintanom.
Nagpasalamat si Heart sa iya mga inagyan kun sa diin nakaangkon pa ini sang koneksyon sa fashion industry.
Gapasalamat ini bangud dako nga bulig nga nakaangkon ini sang mga abyan sa fashion industry abroad kaangay kay Christian Louboutin kag Kevin Kwan nga suno sa iya, tuman ka supportive.
Ginkakibot man sini ang madamo nga mga netizens nga nagasuporta sa iya.
Suno diri, nakibot ini sa mga nagacomment sa Instagram bangud madugay na niya ini nga ginahimo apang ini ang labing una nga tion nga nagtambong kag nangin kabahin siya sang Dior family.
Suno kay Heart, wala ini naglaom bangud indi man siya ang sahi sang artista nga madamo sang fans gani nangin proof na para diri nga dapat mangin authentic lamang kag mangin matuod sa kaugalingon.
Gindugang pa sini nga kikay ini, maarte kag may nalab-ot gid man ang iya kaartehan.
