Ginapreparahan na sang Bacolod City Health Office ang pagpanagtag sang Heath Emergency Allowance sa mga health workers sang ciudad.
Sa interview sang Bombo Radyo Bacolod kay Councilor Claudio Jesus “Kalaw” Puentevella, chairman sang Committee on Health and Sanitation sa Sangguniang Panlungsod, P83 million ang budget nga ginhatag sang Department of Health para sa Bacolod City Health Workers ilabi na ang mga health workers sadto sang COVID 19 pandemic.
Apang, gin-athag sini nga posible nga indi palarehas ang mabaton sang mga health workers bangod nga ang DOH ang naga-assess kun pila ang ihatag.
Suno diri, nadelay lamang ang releasing bangod nga madamo pa sang ginprocess apang sa karun ginapreparahan na kun sa ano nga sistema ang releasing sang allowance samtang sa karun ginalantaw nga groupings ang distribution.
