Nagalaum ang hepe sang Candoni Municipal Police Station nga indi na malakip sa red zone ang banwa sang Candoni sa election watchlist area.
Sa interview sang Bombo Radyo kay Police Major Ruel Culanag hepe sang Candoni Municipal Police Station, nalakip sa red zone area ang banwa sang Candoni, ilabi na nga may yara sang presensya sang mga armado nga grupo sa babaw nga bahin sang bukid.
Suno diri, sa paglibot sang kapulisan sa banwa para sa nagahilapit nga Barangay and Sangguniang Kabataan elections, matawhay ang lakat sang pangampanya.
Aminado man ini nga sa tanan nga siyam ka barangay sa banwa iban diri ang yara sa malayo nga lugar apang nangin matawhay naman ang nakaligad nga eleksyon.
Dugang pa niya, humalin sa pagpungko sini bilang hepe, tubtob sa karun wala sang nagluntad nga engkwentro gani malinong ang banwa sang Candoni.
Pahayag ni Culanag, iya ginalauman nga gikan sa duag pula ukon red zone magalain ang color sang banwa para sa listahan sang election watchlist area.
