Naka-isolate na ang hepe sang EB Magalona Municipal Police Station matapos nga magpositibo sa coronavirus disease 2019.
Sa interview sang Bombo Radyo Bacolod kay Police Captain Wilfredo Benoman, ginpahayag sini nga kabahin lamang sang trabaho sang isa ka police sa public service ang pagpositibo sini sa balatian bangud sa ila trabaho nga madamo man sila sang naatubang.
Aminado man ini nga bisan sila nga police ang wala makahibalo kun sa diin nila nakuha ang virus.
Ginpaidalom naman ang tanan nga personnel sang EB Magalona Municipal Police Station sa swab test matapos nga magpositibo ang hepe.
Nagapadayun naman ang operasyon sang mga police kag gindisinfect man ang police station.
Nagpanawagan man si Benoman sa mga pumuluyo nga magpabilin sa tagsa ka panimalay kun wala man lang sang kadtuan nga importante agud makabulig sa gobyerno sa pagtapna sang paglapta sang coronavirus disease 2019.
