Nagapasalamat ang hepe sang Talisay City Police Station nga nangin madinalag-on ang pagbisita ni Philippine National Police chief General Guillermo Eleazar sa Negros Occidental Police Provincial Office (NOCPPO), partikular na sa ila estasyon nga iya gindayaw bangod sa katinlo sini.
Sa speech sang PNP Chief, ginpakigbahin sini nga nagbisita ini sa Talisay City Police Station kag nakita sini nga matinlo indi lang ang sulod kasubong man ang palibot sang estasyon.
Gindayaw nya man nga kun kaangay sini ang standard sang pagtuman sa intensified cleanliness police sa NOCPPO, pahayag sini nga ‘very good’ ang performance sang tanan.
Paathag ni Eleazar nga ang Police Station amo ang repleksyon sang kapulisan.
Sa interview sang Bombo Radyo kay Police Major Jigger Gimeno, ginakalipay sini nga nakapasar sa standard sang PNP chief ang ila opisina kag paagi diri, mas namotivate ini nga mas panamion ang estasyon agud mas makaubra sang maayo kag mangin harmonous ang development.
Suno sa iya, santo man sa mando ni Eleazar, una gid dapat nga tinluan amu ang opisina kag ikaduha ang mga personnel.
Nagsaka man ang mga operasyon nga ila napatigayon.
Nagapasalamat si Gimeno sa local government unit sang Talisay sa pagpamuno ni Mayor Neil Lizares subong man sa mga stakeholders sa pagsuporta sa ila.
