Ginalauman nga malab-ot na sang Bacolod City ang herd immunity antes ang Paskwa.
Sa interview sang Bombo Radyo kay Emergency Operations Center Deputy for Medical Dr. Chris Sorongon, 70 porsyento ang ginarequire sang Department of Health agud malab-ot ang herd immunity.
Santo sa report sang DOH Region 6, nagdangat na sa 68.93 percent ang fully vaccinated.
Yara naman sa 17.82% ang partially vaccinated kag 13% ang wala pa nabakunahan.
Gindugang man ni Sorongon nga zero deaths sa karun ang ciudad sa una nga anum ka adlaw sang Disyembre.
Nagalaom ang doktor nga magpadayon ang ini nga development kag malab-ot na ang herd immunity sa madasig nga tinion.
Suno diri, indi naman gawa puno ang mga ospital kag naganubo na ang numero sang COVID admissions.
Nagpanugyan man ini nga apisar nga yara na ang ciudad sa Alert Level 2 kag mahalog na ang restrictions, maghalong kag magsunod gihapon sa mga health protocols bangud yara gihapon ang risgo sang COVID-19.
