Nagpromisa ang Hezbollah nga pasabton ang Israel matapos ginatos nga paging devices nga gingamit sang mga militante nga grupo ang naglupok sa palibot sang Lebanon.
Wala pa nakapagwa sang komento ang Israel tuhoy sa mga pagsigabong nga nagpatay sa siyam ka mga persona lakip na ang napulo ka tuig nga bata sang isa ka Hezbollah member kag nagpilas sang kapin 2,800 ka iban pa.
Una na nga gin-anunsyar sang Israel nga ginapalapad sini ang target sa gyera nga ginsuguran sang Hamas sang Oktubre 7 agud malakip ang gyera batok sa Hezbollah, nga kaalyado sang Palestinian militant group.
Nagapati ang grupo, nga ang responsable nga nasambit nga criminal aggression amu ang ila kontra nga Israeli.
Nagpromisa man ini nga ang Israel ang magabaton sang nagakaigo nga silot bangud sa nasambit nga aggression kag nagpromisa nga magapadayon sa pagsuporta sa Gaza samtang ginareiterate ang pagpang-atake sang Martes.
