Ano gid bala ka dako nga saging ang masarangan mo nga kaunon?
Kun paborito mo ang saging, mahimo ikaw ang ma-amaze sa tumalagsahon nga bunga sang saging sa Laoag, Ilocos Norte.
Ang saging ang may kalabaon nga kapin 1 feet ukon isa ka ruler kag may kabug-aton nga isa ka kilo.
Kun pinsaron, ang nasambitan nga saging ang haluson na nga mapaigo sa bibig.
Suno kay Marilou Diego, residente sang Barangay Apaya, isa lang ang bunga sang nasambitan nga puno sang saging.
Pahayag sini nga wala niya gilayon matilawan ang saging bangod nakanugunan ini, gani una niya ini nga ginkuhaan sang litrato kag video kag ginpost sa social media antes gintilawan.
Suno diri, matam-is man ang sabor sang nasambitan nga saging.
Ang nasambitan nga sahi sang saging halin sa tindok ukon higante nga sahi sang plantain, nga wala sang puso kun magpamunga.
Masami ini nagatubo sa tropikal nga mga pungsod kaangay sang Pilipinas, kag ang puno ang onse ka bulan antes makapamunga.
