High grade marijuana nga nakumpiskar sa Barangay Tangub, Bacolod City, ginapadala paagi sa parcel delivery
-- ADVERTISEMENT --

Ginpahayag ni Police Lt Col Roberto Indiape Jr., head sang City Drug Enforcement Unit sang Bacolod City Police Office, nga ginpaagi sa shipment sang parcel ang 15 ka kilo sang high grade marijuana kush nga balor P18 million nga narecover sa Brgy Tangub, Bacolod City.

Madumduman nga nadakpan ang 28-anyos nga suspect nga ginkilala kay alyas Tol nga nagapuyo sa Barangay Tangub, Bacolod City matapos marecover ang high grade marijuana kush kahapon sang Martes.

Sa interview sang Bombo Radyo kay Indiape Jr, ang high grade marijuana kush ang upod sa mga regular parcel kag ang mode of payment sini ang paagi man sa online.

Pila ka pinutos sang high grade marijuana nga daw kaangay sang parcel ang ginabanta 500 grams ang bug-at sang kada putos.

Suno kay Indiape, ini ang subject for distribution nalang sang ginkuha sang suspect.

-- ADVERTISEMENT --

Ini bangud may yara na sang tagsa ka mga pangalan ang kada packaging.

Posible man suno sa iya nga ini ang gikan sa luwas sang pungsod.

Sa karun, ginpahayag ni Indiape nga padayun nila nga gina-imbestigaran kun paano nakasulod ang marijuan kush sa ciudad.

Si alyas Tol ang lima ka bulan nila nga ginamonitor tubtob nga nakapatigayon sang transaksyon kag drug buybust operation.

Siya ang ginkabig nga High Value Individual kag natalana nga pasakaan sang kaso subong nga adlaw.