Arestado ang ginakabig nga High Value Individual sa drug buy bust operation nga ginpatigayon sa Sitio Ulay, Brgy Prosperidad, ciudad sang San Carlos, Negros Occidental, sang Mayo 28, alas- 5:19 sang hapon.
Ang suspetsado ginkilala nga si Jolito Romero, 43 anyos, kag residente sang nasambit nga lugar.
Sa interview sang Bombo Radyo kay Police Captain Honey Labaro, Deputy Chief of Police sang San Carlos City Police Station, tatlo ka semana nga ginbantayan sang kapulisan si Romero may kaangtanan sa illegal nga druga.
Sa drug buybust opeartion nga ginpatigayon, nakuha sa paghinakop ni Romero ang kapin sa 62.66 nga gramos sang suspected shabu nga ginabanta nagabalor sang kapin sa P426,088.
Nakumpiskar man kay Romero ang calibre 45 pistol nga may magazine kag duha ka bala.
