Dakop ang isa ka high value individual sa drug buybust operation nga ginpatigayon sang Bacolod City Police Office-City Drugs Enforcement Unit (BCPO-CDEU) sa Purok Sigay, Bacolod City kagab-i.
Ginkilala ang subject person nga si Christian Jude Cuadra, 18 anyos, single kag residente sang nasambit nga lugar.
Nakuha sa paghinakop sini ang 13 ka heat-sealed transparent plastic sachet sang suspected shabu, isa ka pouch, P220 nga cash proceeds kag isa ka P1000 bill nga marked money.
Ginabanta nga nagabug-at ang nakumpiskar nga suspected shabu sang 57 grams kag may Standard Drug Price nga P387,600.
Nakahunong na si Cuadra sa Bacolod Police Station 2 kag natalana nga mangatubang sang kaso nga paglapas sa RA 9165 ukon Comprehensive Dangerous Drugs Act of 2002.
