Arestado ang isa ka drug personality sa ginpatigayon nga buybust operation sa Purok Ylac, Barangay 1, Bacolod City kaina alas 4:25 ang takna kaina sang kaagahon, Hulyo 5.
Ginkilala ang nadakpan kay Ronan Jay Garcia alias “Ar-Ar”, 28 anyos, male, single, unemployed kag residente sang nasambit nga lugar kag ginakabig nga High Value Individual (HVI).
Ang buybust operation ang ginpatigayon sang Bacolod City Drug Enforcement Unit sa pagpanguna ni Police Captain Joven Mogato.
Nakuha sa paghinakop sini ang anum ka heat sealed transparent plastic sachets nga nagaunod sang suspected shabu, isa ka knot tied transparent plastic sachet nga nagaunod sang suspected shabu kag mga non drug items.
Ang suspected shabu ang nagabug-at sang 75 grams kag nagabalor sang P510,000.00
Ang suspek ang yara na sa kustodiya sang mga kapulisan kag nagapangatubang sang kaso nga paglapas sa section 5 kag section 11 sang RA 9165 ukon Comprehensive Dangerous Drug Act of 2002.
