Ginpakigbahin sang newly installed chief sang Highway Patrol Group sang probinsya ang iya mga plano kag programa bilang bag-o nga pinuno sang HPG.
Sa interview sang Bombo Radyo kay Police Major Nathaniel Florendo, ginpahayag sini nga magapatigayon sila sang intensified operations batok sa carnapping, motornapping kag pagahimuon ang ila masarangan agud mabuhinan ang kaangay nga insidente.
Suno kay Florendo, magapatigayon man sila sang information dissimination tuhoy sa mga traffic rules and regulations kag kun ano ang mga dapat himuon kag indi ilabi na s amga motorsiklo kag tricycle.
Makighinun-anon man ini sa mga terminal sa mga public utility vehicles tuhoy sa mga traffic rules.
Ila man pagatsekyaron ang mga PUJs kag PUVs kun ginaimplementar ang health protocols kaangay sang barriers kag pagsuksok sang face mask kag face shield sang mga pasahero.
Plano man sang bag-o nga HPG head nga magpatigayon sang outreach program agud makabulig sa mga pumuluyo nga naapektuhan sang pandemic.
Bangud nga may COVID-19, magaconduct sila sang house to house nga pagpanagtag sang bulig.
Para naman sa environment, magapatigayon man ini sang tree planting kag coastal clean up.
Nagpanawagan man ini sa mga pumuluyo nga ang HPG ang ila kaapin gani indi sila dapat pagkabigon kun kontra kun sila ang makit-an sa dalan.
Suno diri, tinutuyo nila nga siguraduhon ang kaluwasan sang mga motorista sa dalan kag buligan ang mga ini kun may problema.
