Ginkompirmar sang punong barangay sang Barangay Banago nga ginkuha na kag ginsakay sa ambulansya agud dal-on sa ospital ang Patient #9 sang coronavirus disease 2019 (COVID-19).
Sa interview sang Bombo Radyo Bacolod kay Punong Barangay Ricky Mijares, ginpahayag sini nga nasubuan man siya nga nahibaluan nga may yara sang nagpositibo sa COVID-19 sa ila barangay.
Suno kay Mijares, wala sang travel history ang pasyente apang nagasuprer sang TB ang pamilya sini.
Nagpanawagan man ini sa mga pumuluyo nga buligan ang pasyente kag indi pag-idiscriminate.
Lunsay man nga nakuhaan sang swab test ang pamilya sini kag mga katupad-balay.
Ginahulat pa man sini ang rekomendasyon sang Department of Health ukon DOH sa paglockdown sa lugar kag nakahanda man ini sa tion nga maglockdown ang Purok Bayanihan, Barangay Banago kag handa naman ang ciudad sa pagpanguna ni Mayor Evelio “Bing” Leonardia sa pagbulig sa nasambit nga lugar paagi sa paghatag sang foodpacks.
