Nagapanawagan sang bulig ang himata sang masobra 20 ka mga pumuluyo nga nagtaliwan matapos ang landslide nga nagluntad sa Sitio Water Fall, Barangay Mailhi, Baybay City, Leyte kahapon sang hapon.
Sa interview sang Bombo Radyo Bacolod kay Malyn Alviola, 14 pa lamang sa 20 nila nga himata ang nakita sa karun samtang ang iban ang padayun pa nga ginapangita.
Suno kay Alviola sa ila balay nagapadulong ang mga himata nila sa tion nga may bagyo bangud malayo sila sa bukid kasubong man sa mga suba.
Bangod sini, wala niya ginalauman nga malab-ot sang landslide ang ila nga balay.
Ginpahayag man ni Alviola nga ini ang labing-una nga kahigayunan nga natabo ang landslide sa ila nga lugar.
Pahayag sini nga wala siya nakahibalo kun ano ang gintunaan sang landslide bangud madamo man sang kahoy nga yara sa bukid nga natiphag.
Suno diri may mga wala pa nakita sa ila mga himata nga ginalakipan sang isa ka bata, tiya sini nga si Irish Dayon nga nagikan sa Negros Occidental kag nakapamana sa iya nga tiyo, ang iya nga tiyo kasubong man ang iya amay.
Nagalaom man si Alviola nga subong nga adlaw makita na ang ila mga himata nga nabilin nga missing agud nga dululungan ang mga ini nga mapalubong.
Sa mga luyag nga magbulig sa pamilya sang nabiktima sa landslide mahimo magsend sang cash assistance kay Maribel Abapo sa contact number nga 09361255368 kag Malyn Alviola sa gcash sa numero nga 09777310059.
