Indi na imposible nga maggamit ang himbis sang isda bilang artipisyal nga cornea sang tawo santo sa pagtoon sang mga researchers halin sa University of Granada sa Spain.
Bangod sini, mahimo nga mas barato ini nga altrernatibo sa corneal transplant para sa mga tawo nga may yara sang ginasuprer nga sakit sa mata sangsa nga magkuha kag maghulat sang donor.
Ang cornea amo ang transparent front layer sa mata nga mabudlay na mag-ayo kun tuman na ka guba bangod wala sang dugo nga nailigan diri.
Masami nga ginabulong ang sakit sa cornea paagi sa transplant halin sa donor apang kun kaisa kulang ang donors kag malaba ang yara sa waiting list sa nagakinahanglan sang cornea transplant.
Suno sa Tissue Engineering Group sang unbersidad kag ibs.GRANADA biomedical research institute nahimo na nila nga magpatigayon sang corneal implant sa mga sapat gamit ang himbis nga highly biocompatibility, matin-aw (transparent), kag mabakod.
Apang, sa karun malayo pa ini sa aktwal nga paggamit sa mga tawo bangod kinahanglan pa ini maglabay sa human clinical trials.
