Gindala sa ospital matapos nga masamaran ang mga hinablos matapos nga ginbuno sang tiyo nga nagtambag sa kinagamo nga nagluntad bangud sa tuman nga kahulugbon sa Hacienda Mergasa 2, Barangay E. Lopez, Silay City, Negros Occidental.
Ang suspek ang ginkilala kay alyas Jenus, 37 anyos, isa ka sugarcane worker kag residente sang nasambit nga lugar.
Ang biktima ang 20 anyos samtang nadalahig naman ang iloy kag utod sini.
Sa interview sang Bombo Radyo Bacolod kay Police Lt. Col. Mark Anthony Darroca, hepe sang Silay City Police Station, ang tiyo ang nagtambag sang naabtan niya nga nagailinaway ang iya mga hinablos.
Suno kay Darroca, bangud sa kahulugbon ginsumbag sang hinablos ang tiyo nga nagtambag sa ila.
Nagpauli ang tiyo kag nagkuha sang patalom kag ginbuno ang iya hinablos nga nakaangkon sang pilas.
May pila man ka iban pa ang napilasan nga nagtambag sa komosyon matapos ang pagpamuno ni alyas Jenu.
Ang mga napilasan ang gindala sa ospital agud madapatan sang nagakaigo nga pagbulong.
May settlement naman sa pamilya kag wala na sang mapasaka sang kaso batok sa suspek.
