Nagdangop ang isa ka hinablos sa Bombo Radyo Bacolod agud pangitaon ang iya tiya nga madugay na nga wala nila makita.
Sa programa nga kahapon lamang nagpawagan si Ive Dela Cruz 32 anyos, kag tumandok sang Ivisan Capiz apang nagapuyo na sakarun sa Brgy. Atipuluhan, ciudad sang Bago, Negros Occidental.
Sa interview sang Bombo Radyo Bacolod kay ginpahayag sini nga humalin sang una avid listeners sila sang Bombo Radyo.
Dugang pa sini nga madugay na nga wala sila sang komunikasyon kagmasobra na sa 40 anyos nga wala makita sang ila amay nga si Regalado Dela Cruz ang tiya sini.
Suno kay Dela Cruz, naglakat sadto ang half sister sang iya amay agud magtrabaho sa factory sa Manila, una nakasulat pa ini sa iya lola kag wala naman ini nakasulat liwat kag sa ulihi nahibaluan nalamang sini nga nakapamana ang ila tiya diri sa Negros.
Nakakuha man sila sang impormasyon nga nakapamana sang taga Negros ang ila nga tiya nga si Celia Dela Cruz Gereza apang indi sila sigurado kun sa diin diri sa Negros.
Nahibaluan nila ini matapos mabatian nga nakabasita man ang tiya nila nga isa pa ka utod sang ila amay nga si Abelardo Dela Cruz nga nagapuyo sa Concepcion ciudad sang Talisay apang matapos sadto wala na sila sang komunikasyon.
Gintuad man ni Dela Cruz, nga may yara sila sang komunikasyon sang tiyo sini sa ciudad sang Talisay kag bangud sa nagahilapit nga Grand Family reunion sang mga ini.
Nagpawagan si Ive Dela Cruz nga kun sin o ang nakakilala kag kun sin o ang makahibalo kun sa diin makita ang tiya nila nga si Celia Dela Cruz Gereza nga makig angot lamang sa iya sa numero nga 09075131385 kag 09753210747.
Nagpasalamat man ini sa Bombo Radyo Bacolod sa oportunidad sa agud makapanawagan.
