Ginbaton sang Bicameral Conference Committee ang bag-o nga listahan sang farm-to-market roads (FMR) projects nga nagabalor sang P8.9 billion nga ginsumiter sang Department of Agriculture (DA).
Ini kabaylo sang mga proyekto nga nauna na nga gin-aprubahan sang Senado kag Kamara sang Disyembre 13.
Suno kay Senate Committee on Agriculture Chairman Senator Kiko Pangilinan, ang sulat ni Agriculture Secretary Francisco Tiu Laurel Jr. sang Disyembre 15 ang naga-unod sang iban nga set sang FMR projects nga nagabalor sang P8.9 billion, apisar nagapadayon ang P33 billion nga kabug-usan nga alokasyon para sa FMRs.
Ginklaro ni Pangilinan nga indi madugangan ang pondo, apang islan ang kabahin sang mg proyekto nga naaprubahan na sang Bicam.
Ginkwestyon naman ni Senador Loren Legarda kun ngaa wala nakasulod sa National Expenditure Program (NEP) ka sa gin-aprubahan nga House General Appropriations Bill (HGAB) ang P8.9 billion nga FMR projects.
Ginakahangawa sang Senadora nga ang ini nga last-minute swapping sang mga proyekto ang possible sundon sang iban nga ahensya sang gobyerno kun pahanugutan.
