Wala gin-aprubahan sang Senado ang hingyo ni Sen. Ronald “Bato” dela Rosa nga gamiton sang iya pamilya ang Senate Mansion sa Baguio City.
Madumduman nga nagsulat si Sen. Bato kay Senate Pres. Vicente ”Tito” Sotto III agud ihingyo nga magatinir ang iya pamilya sa sa Senate Mansion para sa ipatigayon nga CSAFP Cup shooting competition sa March 26-29, 2026.
Wala ginsaysay sa sulat kun magatambong man si Dela Rosa sa nasambit nga aktibidad.
Apang ginpahayag ni Senate Secretary Mark Llandro Mendoza nga indi mahimo nga i-grant ang hingyo sang senador bangud gina-renovate sa karon ang Senate Mansion.
Madumduman nga wala nagatambong ang senador sa mga sesyon sa Senado humalin pa sang Nobyembre 2025 kasunod sang mga report nga nagpagwa na sang arrest order ang International Criminal Court (ICC) may kaangtanan sa crimes against humanity batok kay anay Presidente Rodrigo Duterte.
