Wala ginpahanugutan sang International Criminal Court (ICC) ang hingyo sang defense team ni former President Rodrigo Duterte nga magkuha sang bag-o nga expert report angot sa ikaayong lawas sang anay opisyal.
Sa lima ka panid nga desisyon, ginpahayag sang ICC Pre-Trial Chamber I nga indi na kinahanglan pa sang dugang nga expert assessment sa sini nga stage sang kaso.
Sang nagligad nga bulan, ginhingyo sang kampo ni Duterte ang ICI chamber nga mag-appoint sang experts agud mag-evaluate kon makaapekto ang cognitive condition sang anay Presidente sa detention-related risks sa idalom sang Article 58(1)(b) sang Rome Statute.
Gintumod sang ICC judges nga natapos na sang tatlo ka myembro nga medical panel ang ila ubra nga limitado lang sa pagdeterminar kon sarang nga makaatubang si Duterte sa pre-trial proceedings.
Pahayag sang mga ini nga ang desisyon angot sa detention-related risks ni Duterte ang yara na sa kamot sang Chamber kag wala na nagakinahanglan pa sang expert opinion.
Panindugan sang mga hukom nga napaslawan ang defense team nga magpakita sang rason kon ngaa kinahanglan sang bag-o nga expert report.
