Naga-apelar kay Presidente Rodrigo Duterte ang presidente sang Hinigaran Firecracker Manufacturers Association nga tun-an sang husto ang plano nga total ban sang fireworks sa masunod nga tuig.
Sa interview sang Bombo Radyo Bacolod kay Navarro Baylon, ginpahayag sini nga natublag man sila sa nangin pahayag sang damlag lang ni Presidente Duterte apang nagapati siya nga pagatun-an man sang husto ang plano nga pagdula sa ila nga industriya.
Nagalaom si Baylon nga kun I-ban gid man ang mga firecrackers sa masunod nga tuig, kuntani hatagan sila sang trainers sang gobyerno nga magatudlo sa ila kun paano mag-obra sang mga fireworks agud indi man madula ang ila nga palangabuhian.
Nagahingyo man ini sa national government nga hatagan sang proteksyon kag bulig ang ila nga industriya.
