-- ADVERTISEMENT --
Nagdangat sa 1,712 ka kaso sang human immunodeficiency virus (HIV) ang narecord sa Bacolod City sa pagtakop sang 2025 kag ang ciudad ang nangin top 20 sa bilog nga pungsod.
Nahibaluan nga 15-anyos ang pinakabata nga nagpositibo sa HIV sa Bacolod City.
Samtang, nagaplano ang ciudad nga magpatukod sang HIV treatment hub sa maabot nga tuig 2027.
Ginpahayag ni Jonathan Diaz, focal person sang HIV campaign sang Bacolod City, nagalibot ang ila nga team sa mga high school, colleges kag universities kag nagatambong sa pila ka mga events sa ciudad para sa HIV education campaign ilabi na sa mga pamatan-on.
