Naga-amat-amat na ang repopulation sang hog industry sa Negros Occidental.
Sa interview sang Bombo Radyo Bacolod kay Negros Occidental Provincial Veterinarian Dr. Placida Lemana, head sang ASF task force sang probinsya, ginsuguran na ang repopulation bangod sang tinalikdan nga mga binulan may-ara pa sang nagkalamatay nga mga baboy sa nagkalain-lain nga banwa kag ciudad bangod sa hog cholera.
Isa sa ginatutukan ang banwa sang San Enrique, agud mahibaluan kun sarang na nga makasugod sang produksyon samtang ang iban nga local government units (LGUs) ang temprano pa nga nag-umpisa.
Kada bulan ang provincial government ang nagahatag sang mga breeder animals sa nagkalain-lain nga LGUs.
Gina monitor sang district office ang tanan nga luyag magsagod liwat kag gina-assist kun sila ang kwalipikado.
