Padayon ang ginahimo nga follow-up investigation sang mga kapulisan sang Bacolod Police Station 6 sa natabo nga pagpang-holdup sa City Heights, Brgy Taculing, sa ciudad sang Bacolod.
Sa interview sang Bombo Radyo Bacolod kay Police Major Peter John Ramos, station commander sang Bacolod Police Station 6, ang complainant ang yara sa ila gate sang may naglabay nga duha ka tawo kag hinali lamang nga gin-agaw ang iya nga bag.
Suno kay Ramos, may gintaya nga patalom sa biktima kag gilayon man nga makuha sang mga suspek ang cellphone sang biktima.
Suno diri, nagpatigayon sila sang follow-up investigations kag pag-compare sang CCTV kun sa diin natumod sang biktima ang mga suspek.
Sa karun padayon ang hot pursuit operation sang mga otoridad para sa possible nga pag-aresto sa suspets kag pag-recover sa ginkawat nga items.
