Ginkumpirmar ni OVP Assistant Chief of Staff Lemuel Ortonio nga kaupod ini ni OVP special disbursing officer Gina Acosta sa pag-encash sang confidential funds.
Ini ang gin-ako ni Ortonio sa direct examination ni private prosecutor Atty Mae Divinagracia, sang siya ang ginpamangkot kun siya lamang ang kaupod ni Acosta sang gin-encash ang tseke sa LandBank Shaw Boulevard branch.
Ini ang positibo naman nga ginkumpirmar ni Ortonio.
Ang ginatumod ni Divinagracia amo ang apat ka tseke nga balor P125 million kada isa, nga gin-encash ni Acosta sa sulod sang Disyembre 2022 tubtob Hulyo 2023.
Sang ginpamangkot kun ang pag-upod niya ang mando ni Vice President Sara Duterte, ginklaro ni Ortonio nga siya ang nag-upod lamang sa request ni Acosta.
Ginseguro naman sang Prosecution lawyer kun nakahibalo si VP Sara nga gin-updan ni Ortonio si Acosta, apang indi ang indi naman makumpirmar sang hostile witness.
Sa pihak nga bahin, ginkwestyon ni Presiding Officer Chiz Escudero ang dasigay nga paggastos sang confidential funds sang Office of the Vice President (OVP) sang last quarter sang 2022, apisar nga ginapahayag nga “good for two years” ang paggamit sang pondo ukon General Appropriations Act.
Sabat ni OVP Assistant Chief of Staff Lemuel Ortonio, nga ang plano sang OVP ang para sa last quarter sang 2022 gani sa amo nga timeframe nagamit ang milyon-milyon nga confidential funds.
