Aprubado na sang Senado sa second reading ang hagna nga magapain sang pondo para sa construction sang Bacolod City General Hospital.
Suno kay Bacolod City Lone District Congressman Greg Gasataya, malapit nalang matuman ang handom sang ciudad nga makaangkon sang kaugalingon nga ospital.
Nagalaom ang kongresista nga mapasar sang Senado ang hagna sa third and final reading sa masunod nga semana.
Kun ini ang maaprubahan sang mataas nga panalgan sang Kongreso kag wala nagasanto ang version, magasapol ang bicameral conference committee agud nga ini ang mareconcile kag matransmit sa Office of the President agud nga mapirmahan bilang bug-os nga layi.
Nagpasalamat si Gasataya sa lider sang Senado kag sa nagsponsor sang hagna nga si Majority Leader Senator Migz Zubiri.
Aminado si Gasataya na masami puno ang Corazon Locsin Montelibano Memorial Regional gani ginduso sini ang hagna.
Nagpatukod man sang 10 ka barangay health centers sa ciudad agud mabuhin-buhinan ang nagapakonsulta sa CLMMRH kag sa Bacolod City Health Office.
Iban sa mga barangay health centers ang ginasugudan na patukod.
Kadungan sang nagasaka nga kaso sang COVID sa ciudad, nag-apelar ang mamalidha sa mga residente nga magkooperar kag magsunod sa minimum health protocols agud nga masiguro ang kaluwasan sang tanan.
