Nabaton na sang House of Representatives ang House Bill 9310 nga ginpasa nanday Abang Lingkod partylist Stepehen Paduano, Congressman Francisco Benitez sang 3rd District kag Juliet Marie Ferrer sang Fourth District.
Ang hagna nagahingyo nga i-grant sa Negros Electric Power Corporation (NEPC) ang franchise sa pag-acquire, pag-establish, pag-operate kag pag-distribute sang kuryente sa ciudad sang Bago, Bacolod, Talisay, Silay kag banwa sang Murcia kag Don Salvador Benedicto.
Sa karun ang electrical distribution sa kaciudaran kag kabanwahanan ang yara sa idalum sang Central Negros Electric Cooperative Incorporated (CENECO) nga naga-operate sa masobra na sa 47 ka tuig humalin pa sang tuig 1976 kun sa diin una ini nga nag-opearte sa ciudad sang Silay.
Bangod sa limitado nga resources sang CENECO sa teknolohiya, kag kakulangan sa pag-address sa operation kag problema sa serbisyo, nagsulod sa isa ka Joint Venture Agreeement ang CENECO sa Prime Strategic Group.
Kasunod sang pagdaog sang JVA sa tunga sang CENECO kag Primelectric Holdings Corporation kun ma-grant na ang franchise, ang probinsya sang Negros Occuidental maka-angkon sang pinakauna nga private distribution utility.
