Ginpahayag ni Quezon 1st District Representative kag House Committee on Agriculture and Food Chairman Wilfredo Mark Enverga antes pa man ang mga proposed amendment dapat hibaluon kag maintsindihan anay ang mga bagay nga nagaapekto sa bsorptive capacity ukon paggasto sang Sugar Regulatory Administration (SRA) sang SIDA Fund.
Suno kay Enverga, may mga proyekto kaangay sang infrastructure ang mahapos nga napatuman sa bulig sang DPWH.
Suno diri, isa man sa concerned sang mga ini ang socialized credit program ukon pautang para sa mga mangunguma sang tubo sang Land Bank of the Philippines.
Ginpahayag man sini nga may yara man sa karun sang maayo nga development nga nagpahayag ang Land Bank nga simplehon nalang sini ang requirements sang magaloan nga magagmay nga sugar producers.
Nahibaluan nga santo sa SIDA, may alokasyon nga P2 billion ang SRA para sa mga programa kag proyekto sa pagpasanyog sang industriya sang kalamay apang may yara sang underutilization rason nga amat-amat ini nga nagagamay tubtob nga nabalik sa kapin P1 billion ang SIDA Fund subong nga 2024.
Apang nagalaom si Enverga nga paagi sa ginpatigayon nga public hearing, ma-resolve ini nga mga issues kag makumbinser sang Kongreso ang Department of Budget and Management (DBM) nga pataasan ang alokasyon sang SIDA bisan sa orihinal nga P2 billion kada tuig na lang.
