Hugot nga ginpanginwala ni Batangas Rep. Gerville “Jinky Bitrics” Luistro nga may “double standard” ang House Committee on Justice sa pag-uyat sang mga impeachment complaint.
Suno kay Luistro, pareho ang pagsulondan nga ila gingamit sa reklamo batok kay President Ferdinand Marcos Jr. kag Vice President Sara Duterte, apang dako nga kinalain amo ang mabaskog nga ebidensya sang “personal participation” sa kampo sang bise presidente.
Ginpaathag ni Luistro nga sa kaso sang presidente, napaslawan ang mga tagreklamo nga pamatud-an ang iya direkta nga kahilabtanan sa gin-alegar korapsyon sa pagpatuman sang budget.
Suno diri, ang pagpirma sang presidente sa General Appropriations Act (GAA) ang kabahin sang iya katungdanan kag indi makabig nga proof of corruption.
Sa pihak nga bahin, ginpunto ni Luistro ang “direct evidence” batok kay Duterte, ilabi na ang video nga nagapakita sang pagpamahog sang Bise Presidente sa Presidente, First Lady, kag sang anay House Speaker.
Gingamit ni Luistro ang legal nga prinsipyo nga res ipsa loquitor para sa pagpamahog ni Vice President Sara Duterte.
