House Committee on Justice, wala na ginpabuksan ang “BIR Green Box” nga naga-unod sang income tax returns sang mag-asawa nga VP Sara kag Mans Carpio

Ginbalabagan sang mayorya sang House Committee on Justice ang pagbukas sang kahon nga nagaunod sang tax returns ni Vice President Sara Duterte kag sang iya bana nga si Atty. Manases Carpio.

Ginbug-usan sang 38 ka mga miyembro ang nagboto batok sa pagbukas sang kahon, samtang anum lamang ang nagboto pabor.

Suno sa Bureau of Internal Revenue (BIR), ini nga mga dokumento ang mahimo lamang buksan “in aid of legislation”, sa executive session kag hindi sa public hearing.

Bangud sini, nagpabilin nga sealed ang box nga ginsumiter sang ahensya sang nagligad nga semana.

Suno kay Deputy Minority Leader Chel Diokno, may yara sang bastante nga ebidensya agud ma-establisar ang probable cause sang impeachment ni Duterte apisar pa nga wala mabuksan ang kahon.

Suno diri, mas maayo nga hulaton ang Senado (bilang impeachment court) nga magdesisyon kon bala buksan ang mga dokumento, bilang paghalong.

Nag-ugyon si Deputy Speaker Janette Garin kag Rep. Benny Abante, nga nagasiling nga ang Kamara ang indi isa ka impeachment court, kundi nagapatigayon lamang sang preliminary investigation.

Sa pihak nga bahin, ginbatikos ni Senior Deputy Majority Leader nga si Lawrence Defensor ang desisyon, kag gintawag ini nga “betrayal of public trust.”

Samtang, si Senior Deputy Minority Leader Leila de Lima ang nagsiling nga ang Konstitusyon dapat ang magpangibabaw sa bisan ano nga kasuguan pareho sang National Internal Revenue Code (NIRC), kag ginpanindugan nga ang mga gahum sang komite ang indi dapat limitahan.