Ginhangkat ni House Deputy Minority Leader France Castro si former President Rodrigo Duterte nga magtambong sa House quad-committee hearing sa kongreso.
Sa interview sang Bombo Radyo sa kongresista, sa ginpatigayon nga senate hearing kahapon makit-an nga matuod nga ginpatuman ang extrajudicial killings sa idalum sang Duterte administration.
Suno diri, bisan ano pa ang isugid ni Duterte nga esturya, indi na sini majustify ang iya ginhimo.
Ginpanawagan man sini ang Department Of Justice nga kasohan ang anay presidente sa ginhimo sini sa mga biktima sang EJK.
Ini kasunod sa pagpangisog ni Duterte nga kun madamo sang ginaduso sa iya, paano nga tubtob sa karun wala ini nakasohan.
Dugang pa ni Castro, dapat man nga manabat ang mga pulis nga involved sa pagpamatay sa war on drugs agud nga manabat sa ila nga sala bangod indi mahimo nga pabay-an kag makapalagyo ang involved nga pulis.
Samtang, nakita man ni Castro nga madamo sang naga-apin kay Duterte kag madamo man sang nahadlok nga magpamangkot sang madalom nga palamangkotanon sa anay presidente.
