Pabor si House Deputy Speaker Dr. Janette Garin sa pagpatigayon sang reporma sa Partylist system.
Sa interview sang Bombo Radyo Bacolod sa kongresista, luwas sa Anti-Dynasty Bill ang reporma sa partylist system ang kalakip man sa priority bill ni President Ferdinand “Bongbong” Marcos Jr.
Suno kay Garin, nangin highly commercialize ang isyu bangod nakita nga ang chairman kag pila ka members sang House Committee on Appropriations ang gikan sa partylist, kag didto man naggwa ang mga isyu sa malala nga kurapsyon.
Pahayag ni Garin, nga tuman ka gasto ang pagpapili sa partylist, gani sa masami ang mga nagadaog ang nagapabor sa business iterest bangod ang mga gikan mismo sa marginalized sector ang wala man sang kwarta nga igasto agud makadaog sa eleksyon.
