Ginalauman sang House prosecution nga may mga importante nga impormasyon sa testimonya ni National Bureau of Investigation (NBI) Director Melvin Matibag angot sa kabug-usan nga imbestigasyon sa ginaalegar assassination threat ni Vice President Sara Duterte batok kanday President Ferdinand Marcos Jr., First lady Liza Araneta-Marcos, kag anay House Speaker Martin Romualdez.
Suno kay House prosecutor Terry Ridon, indi pa sini mahimo mabuyagyag ang detalye sang ginalauman nga testimoniya bangud madula ang epekto sang iya ginasiling nga “pasabog.”
Magaserbe bilang ulihi nga testigo sang prosekusyon si Matibag sa idalom sang Article IV sang impeachment complaint, nga nagatalakay sa mga pahayag ni Duterte batok sa Presidente kag sa iya pamilya.
Ginpahayag ni Ridon nga ibuyagyag ni Matibag ang bug-os nga resulta sang imbestigasyon sang NBI.
Suno diri, katuyuan sang testimoniya ni Matibag nga makumpleto ang bug-os nga panaysayon sang NBI bilang isa ka institusyon angot sa kaso.
