Naghingyo ang House prosecution panel sa Senate impeachment court sang 62 trial dates para mapresentar ang ila mga ebidensya kag mga testigo sa impeachment case batok kay Vice President Sara Duterte.
Suno kay House legal spokesperson Atty. Benjamin “Jay” Tolosa Jr., nakabase ang pangabay sa kadamuon sang mga witness kag ebidensya nga nakalista sa ila nga pre-trial brief
Samtang, 30 trial dates lamang ang ginahingyo sang depensa ukon sang bahin ni Vice President Sara Duterte.
Gin-athag naman ni Tolosa nga wala ini nagakahulugan nga kinahanglan gid sang 62 ka adlaw ang trial bangud mahimo palip-uton ini kun pahanugutan sang korte nga masobra sa isa ka testigo ang ipresentar sa isa ka adlaw.
Suno naman kay House Lead Prosecutor Gerville Luistro, ang impeachment court amo ang may ‘final say’ kun pila ang trial dates nga ihatag sa prosekusyon kasubong man sa depensa.
