Ginpahayag sang House prosecution panel kahapon nga ang pagtutok sang impeachment case sa isa lamang ka artikulo ukon ang gin-alegar unexplained wealth ni Vice President Sara Duterte, ang handa nila risguhan.
Ini ang ginpahayag ni House prosecutor Batangas 2nd District Representative Gerville Luistro kag Bicol Saro Party-list Representative Terry Ridon kasunod sang pagbaton sang Senate impeachment court sa mosyon sang prosekusyon nga i-withdraw ang tatlo sa apat ka articles of impeachment batok kay Duterte.
Ang desisyon ang ginhimo matapos ang testimoniya ni prosecution witness kag financial forensic analyst Atty. Alexander Cabrera nga gin-alegar ang bise presidente kag ang bana sini nga si Atty. Mans Carpio ang may P817 million tubtob P1.5 billion nga balor sang unexplained wealth base sa forensic investigation sa Statement of Assets, Liabilities, and Net Worth (SALN) ni Duterte kasubong man sang ila bank records, income tax documents, kag business interests records.
Suno kay Ridon, indi dapat ibalewala ang testimonya ni Cabrera, kasubong man sang testimonya sang mga bank officials, insurance firm, Bureau of Internal Revenue (BIR), kag Anti-Money Laundering Council (AMLC), tuhoy sa mga minilyon kag binilyon nga mga financial transactions nga may kaangtanan sa Bise Presidente kag sa iya nga bana.
Natapos nga napresenta sang prosecution ang Article 4, 1, kag 2 antes gindesisyonan nga i-drop ang Articles 1, 4, kag 3.
