House prosecution panel nagpasalig nga tutokan ang ebidensya batok kay Vice President Sara Duterte kag indi sa numero sang boto para ma-convict ang bise presidente

Ginpahayag sang House prosecution panel nga mas nagatutok sila sa pagpresentar sang solido nga ebidensya batok kay Vice President Sara Duterte kag indi sa numero sang boto nga kinahanglan para ma-convict and bise presidente.

Suno kay House prosecutor kag Akbayan Party-list Representative Chel Diokno, ang prayoridad subong sang prosecution amo ang pagpresentar sang mga ebidensya sang maathag kag makapakumbinsi sa Senate impeachment court.

Suno diri, ginalauman nga matapos subong nga Lunes ukon Martes ang pre-trial conference para sa impeachment trial batok kay VP Sara.

Ang pre-trial nga nag-umpisa sang Hunyo 18 amo isa ka preparasyon antes pormal nga magatipon ang Senate impeachment court sa Hulyo 6.