House prosecutor Rep. Lorenz Defensor, nanindugan nga “ang accountability ang para sa tanan” sa iya presentasyon sang Article IV sang Articles for Impeachment batok kay VP Sara

Gin-emphasize ni House of Representatives prosecutor kag Senior Deputy Majority Leader Iloilo Representative Lorenz Defensor nga ang accountability ang para sa tanan.

Ini kasunod sang pagbukas sini sa presentation sang Article IV of the Articles for Impeachment batok kay Vice President Sara Duterte.

Ang Article IV ang naga-alegar nga ang bise presidente ang naghimo sang mga tikang nga nagtraidor sa pagsalig sang publiko, naglapas sa konstitusyon kag naghimo sang mga high crimes kun sa diin gin-ako sini sa publiko paagi sa live broadcast nga may gin-contact na ini nga persona sa pagpatay kanday President Ferdinand R. Marcos Jr., First Lady Liza Araneta-Marcos, and former House Speaker Martin Romualdez.

Suno kay Defensor, ang mga tinaga kag mga ginhimo sang bise presidente ang indi dapat paglantawon nga simple lamang nga krimen sa idalom sang layi apang isa ini ka paglapas sa konstitusyon.

Suno sa House prosecutor nga ang mga ebidensya nga ipresentar ang indi lang gikan sa testimonya kag gin-authenticate nga dokyumento apang halin mismo sa mga tinaga sang bise presidente, mga hinimuan kag mga pag-ako sa publiko.

Gin-emphasize man sini nga ang mga tinaga ni Duterte ang indi accidental ukon nagwa lamang apang ini ang ginpahayag sa publiko nga may intention nga seryosohon.