May ipatuman nga agreement ukon house rules sa tunga sang Local Government Unit kag tenants sang Manokan Country matapos makit-an nga may pila ka mga tenants nga gingamit bilang tambakan sang gamit ang mga tents nga ginhatag sa ila imbes nga plastaran sang costumers.
Suno kay Bacolod City Mayor Alfredo ‘Albee’ Benitez, ginhatagan sini sang task si Councilor Celia Flor, chairperson sang Committee on Markets nga magkighinon-anon sa mga tenants’ para sa house rules nga dapat sundon.
Suno sa alkalde, ini agud mahibaluan sang mga tenants ang ila responsibilidad sa pagtinir sa ila temporaryo nga pwesto sa sulod sang kapin sa duha ka tuig samtang ginaconstruct ang Manokan Country.
Madumduman nga ginhatagan sang LGU ang mga tenants sang tents agud mapadamo ang ila costumers apang sa karun ini ang gintambakan sang gamit kag may yara pa sang nagpatindog sang tyanggi gamit ang tent.
