Nagkumiter sang dugang nga pondo para sa Bacolod City General Hospital si House Speaker Lord Allan Velasco.
Sa interview sang Bombo Radyo kay Bacolod City Lone District Congressman Greg Gasataya, ginkumpirmar sini nga si House Speaker Velasco ang naghatag sang iya commitment sang magpadulong ini sa ciudad sang Bacolod sang tinalikdan nga Biyernes, Sept. 3.
Suno kay Gasataya, sang ginpresentar sini ang conceptual design kay Velasco, wala na ini nag pangduha duha nga maghatag sang bulig.
Suno sa kongresista, tuman ini ka daku nga blessing para sa ciudad bangud ginalauman nga masuguran na ang pagtukod sini subong nga tuig matapos nga gin-aprubahan sang damlang lang ni President Rodrigo Duterte ang kasuguan sa pagpatukod sang nasambit nga ospital.
Nahibaluan nga may una na nga ginpain nga P250 million ang national government para sa pagpatukod sang Bacolod City General Hospital.
Samtang, suno kay Gasataya, may lima na ka mga proposals nga ginpadangat sa iya nga luyag magdonar sang duta agud patindugan sang nasambit nga ospital nga ginalauman masuguran na sa masunod nga tuig.
