Houston Rockets, indi na makasulod sa 2nd Round sang NBA Playoffs matapos malutos sa Golden State Warriors

Wala na makalab-ot pa sa 2nd Round Playoffs ang Houston Rockets matapos sila ginlutos sang Golden State Warriors sa score nga 103-89.

Ginpangunahan ni Buddy Hield ang kadalag-an sang Warriors paagi sa iya 33 points kag 3 assist.

Nagbulig man sanday Stephen Curry sang 22 points, 10 rebounds kag Jimmy Butler nga may 20 points.

Samtang, 21 points kag 14 rebounds ang ginkamada ni Alperen Sengun para sa nalutos nga Rockets.

Sunod makasambuwa sang Warriors ang Minnesota Timberwolves sa ila Semifinals sa Western Conference.