Nangharras pa ang gina-alegar foreigner matapos mabungguan sang iya sports car ang motorsiklo sa Lacson-Gallo Street sa ciudad sang Bacolod kapin alas-9:00 kagab-i.
Sa interview sang witness, nga wala na nagpakilala, ang sports car ang padulong sa sur nga dereksyon kag madasig ang dalagan.
Apang suno diri, una na nga nakaliko motorsiklo nga may sakay nga duha ka persona apang padayun lamang ang madasig nga padalagan sang foreigner gani sila ang nabungguan.
Nakaangkon lamang sang minor injuries ang duha ka sakay sang motorsiklo.
Samtang sang gintuyo nga buligan ang foreigner nga may angkas nga babayi, kag lunsay yara sa impluwensya sang makahulubog nga ilimnon, ini ang nagwaras pa kag ginapanindugan nga siya ang wala sang sala.
Nakuhaan man mismo sang video ang babayi nga nagabitbit pa sang beer.
Gintinguhaan man sini nga makuha ang napalos nga plate number sang sports car kag tuyo kuntani nga magsakay sa sports car agud magpalagyo, apang nahingagaw sang mga bystander nga maagaw ang yabi sang salakyan
