-- ADVERTISEMENT --
Nasapwan nga wala na sang kabuhi ang 55 anyos nga lalaki matapos madagdag sa taytay sa Brgy 2, San Carlos City, Negros Occidental, kahapon alas-3:00 sang kaagahon.
Sa interiview sang Bombo Radyo kay PLt Col Basman Macarangal, hepe sang San Carlos City Police Station, wala sang foul play sa natabo bangod nakita sa CCTV footage nga nagpungko sa kilid sang taytay ang biktima nga si Godfrey Refuela, residente sang Fatima Village, Brgy 4, San Carlos City.
Suno diri, hubog ang biktima kag nahulog sa taytay kun sa diin una nga nagtupa ang iya ulo.
Bangod sa impact, dako ang pilas sini sa iya ulo nga nagresulta sa iya kamatayon.
Nakilal-an naman ang identity ni Refuelo sa ID nga nakita sa iya kag gingamit agud mapahibalo ang iya pamilya.
-- ADVERTISEMENT --
